Blog snobs en Roofkykery

Ek was tot onlangs ‘n blog snob. Een van daai outjies wat geglo het dat die internet net in Ingels werk. En dat blog nie werk in Afrikaans nie.  Ek het ‘n Ingelse blog wat ek al vir n hele paar jaar aan die gang hou. Sommer my eie kop se nonsens. ‘n Plek waar ek baie gereeld ook moan en bitch. In Ingels natuurlik. ‘n Blog waar die mense ook my regte naam ken. (nie altyd ‘n goeie idee nie hoor!).

Maar onlangs ontdek ek toe mos die blogs hier in blog land. in Afrikaans nogal. En daar verander ek toe in ‘n roofkyker. Ja kyk , dis mos eintlik die anner naam vir ‘n ginekoloog daai ! Roof kyker.  Maar dit daar gelaat , ek is nie n Ginekeloog nie. Anyway , heel van my storie af. Soos ek sê , daar verander ek toe nou in ‘n Roofkyker. En vir die laaste paar weke lees ek Afrikaanse blogs hier op Litnet. Soos n mot om ‘n kers vind ek myself elke kort kort op die net om te kom kyk of iemand nie weer iets gepos het nie. En as ek niks nuuts kry nie , dan gaan delf ek in die argiewe en ek lees die ou stories.

Ek lees vir Biker Dinge, en vir Tannemys en Sinterklaas. Ek lees vir Murphy. En vir Kerneelsie. So deur die blogs maak ek kennis met Jan Nel en met Ludwig. En ek kan net nie genoeg kry nie ! En hoe verder ek lees , hoe lusser kry ek om myself hier by die klomp aangename mense te kom aansluit. Om ook so nou en dan ‘n storetjie te kom deel met mense wat nou al amper vir my soos vriende geraak het.

Gaan ek elke dag kom blog ? Ek Twyfel . Maar ek sal so nou en dan as die storie of die lus my pak , hier kom inloer en kom deel wat ek op die hart het.

So – hier is ek dan nou ook op Litnet. Ek sien uit daarna om nog meer te lees ( en te lag) en te deel in almal se wel en wee. En hopelik, miskien , kan ek ook hier en daar n anner man se dag beter maak.

Groete vir eers , my bed roep sterk.

Adoonsie

11 thoughts on “Blog snobs en Roofkykery

  1. Well I dont understand much Afrikaans but welcome to blogland .. :-)Wishing you a lovely and relaxing weekend

  2. Welkom in blogville.Hoop jy bly lank hier.Dis soos jy se, hier is baie gawe mense en die ondersteuning tydens moeilike tye is verbasend.

  3. You are at the wrong place mate. This is an Australian blog flock. We just spell and speak English a bit different. Must admit it sounds a bit like Afrikaans.Welkom by die blogs Adoons.

  4. Ek het nou lekker gelees aan jou blog en is bly jy het besluit om vir ons in afrikaans so n paar stories te kom skryf.Ek mis ou Ludwig en sy stories, ek hoop die man kom skryf weer vir ons.

  5. Nou praat jy. Ek mis ook vir Ludiwg en sy stories.Baie dankie dat jy my blog gelees en kommentaar gelewer het.

Comments are closed.