Hustler of Penthouse

Een van my kollegas vertel na die vakansie vir ons die storie. Hy en sy skoon ouers het oor Desember saam gaan kamp met die karavane.

So kom hy een middag terug geloop na die karavaan toe met n tydskrif onder die arm. Met die intrap slag wil skoonpa weet of dit dalk ‘n Hustler of ‘n Penthouse is.

Nee reken my kollega, dis ‘n Weg , maar dis eintlik maar dieselfde tipe ding. Hy wys ook maar vir jou fotos van plekke wat jy nooit self sal sien nie.

Advertisements

nuus

Vir my beste vriende paartjie in Bloem . Ek weet dis nog nie amptelik nie en vir die oomblik nog streng geheim.

Maar daai (   |   |   ) is  fantastiese nuus !!!.

Ek glo en bid dat alles voor die wind sal gaan.

EDIT : nee jong , lyk my ek sal maar ‘n beter prentjie moet bysit. As ek so na die eerste klomp kommentaar kyk dan het julle net rugby op die brein.

Dis die prentjie wat hy vir sy ma hulle ge MMS het. Wonder of ma hulle die boodskap gesnap het ?

Die wereld (selfs die internet) is maar klein

Vandag sou my elfde troudag herdenking gewees het. Behalwe dat ons net voor ons tiende herdenking geskei is. Ek stuur toe vir haar ‘n sms om te sê ek dink aan haar en dat ek dankbaar is dat sy ‘n goeie ma vir ons enigste spruit is.

Sy stuur een terug , en ek besluit om te bel eerder eerder as om nog te SMS . Ons het lekker gesels vir amper 20 minute. En so terloops noem sy dat sy my blog hier op litnet raakgeloop het. Ek is skoon uit die veld geslaan. Hoe op aarde het sy dit hier opgespoor ? Nee, sal ek hoor. Sy het ook een hier op Litnet. Bietjie lanklaas geskryf , maar hy is hier.

EK het haar blog gaan soek en gaan lees. Van agter af tot voor. En gehuil , omdat ek die sprankies hoop raak gelees het wat begin deurskemer na ‘n jaar van depressie en wanhoop.

EK weet sy gaan hierdie ook raaklees. En dit pla my nie. Selfs al is ons geskei sal sy altyd ‘n baie baie sagte plekkie in my hart hê. Sy was vir 10 jaar lank my beste vriend. Ek hoop dat met al my foute was ek ook vir haar. Tot ‘n mate in elk geval.

Dankie my beste vriendin dat jy so ‘n goeie ma vir ons seun is. Dankie dat jy vir hom gesorg het selfs deur die baie depressiewe en wanhoop dae. Ek is bly om weer hoop in jou blogs te lees. Dit was lekker om weer ‘n glimlag in jou stem te hoor. Mag jy vreugde en liefde en vrede tegemoet loop op jou pad vorentoe.’Lovers’ kan ons nie wees nie, maar baie goeie vriende, verseker!

Fotos

Hallo julle.

Ek het gedink ek moet met julle so ‘n ietse deel van wat ek in die laaste ruk gedoen het.

Ek het saam met my laaitie LEGO gebou. Ek vrek oor LEGO. nou nog !

En ek het Trou fotos ge redigeer om te kon aflewer vandag.

So. Daar het julle dit nou.  Ek sal seker maar later blog oor die goed wat krap in my binneste. Ek is nie nou in die bui nie. Kom ons sê maar net vir nou dat dit baie kak is om na ‘n leë huis toe terug te keer in die aand na werk. Dis sleg om alleen kos te maak , alleen te eet en alleen te slaap. Ek mis dit regtig om ‘n meisiekind in my lewe te hê.

Maar nou ja. Ek gat nie nou sit en sanik nie. Lekker aand vir julle.

Adoonsie

Boot ry

Hallo al my blog vrinne

Kan julle glo ek is ook hier. Ek lees so tussen in al julle se blogs, maar dit sukkel maar as dit kom by self ‘n blog skryf. Ek ly aan erge interntelossheid by die huis as gevolg van sekere finansiele ou probleempies. En dit gaan maar sukkel sukkel om van die werk af geblog te kry.

Ek hoop almal van julle het n wonderlikke nuwe jaar.

Hier net na Kersfees sit ek saam met Kleinboet by die sleephelling langs die Kariega rivier in Kenton on sea en kyk vir al die mense (en spesifiek die fraaie dames) wat so kom en gaan.

Terwyl ons so sit en die skepping waardeer kom jaag daar ‘n klomp Vaalies in hulle luukse 4×4 met ‘n ski boot op ‘n sleepwa daar aan.  En ons sien sommer so op ‘n afstand die manne (en meisies) is lus vir boot ry. Met groot ‘flair’ word die 4×4 en die sleepwa in tru rat teen die sleephelling af gestuur en die manne spring almal uit om te help. Party maak die boot van die sleepwa los. Party maak biere oop, en ander pak koelbokse en piekniekmandjies in die bootjie. Die manne is nie lus vir tyd mors nie. Alles word blitsvinnig gedoen. Hulle is baie lus vir die gebootryery.

Sommer gou gou is die boot in die water , die 4×4 geparkeer en daar gaat die klomp net net vinnig genoeg om nie heeltemal ‘n brandertjie te maak in die brandervrye zone nie.

Daar sit ek en Kleinboet die bootjie en dophou tot bo by die brug waar hy skielik omdraai. Ons kyk hoe die boot darem nou vinning terug kom na ons kant toe. Dit lyk my die skipper steur hom ook nie meer aan die brandervrye sone nie , want die man lyk darem baie haastig. Amper benoud haastig.

Met groter haas as wat hulle ingepak het spring die manne en meisies van die boot af en begin koelbokse en piekniekmandjies afpak terwyl die bestuurder met groot haas die 4×4 en sleepwa gaan haal en terug stoot om die bootjie uit die water te kry. En ek en Kleinboet sit en wonder hoekom die klomp dan nou skielik glad nie meer lus lyk vir boot ry nie.

Dit het vir my en Kleinbopet so ‘n rukkie geneem om agter te kom dat die klomp Vaalies se skielike teesin in boot ry dalk iets te make het met die water wat agter by die bootjie uitstroom.

Toe al die water mooi uit is het die manne die keer baie seker gemaak dat die uitvloei proppe (bung plugs) veilig terug is voordat almal weer deur die hele petalje van inpak en te water laat gegaan het.

Ek dink nie my en Kleinboet se skaterlag het hulle egos veel goed gedoen nie.