2 weke later

Hallo julle.

Twee weke later en ek eet nog steeds bok kos en papegaai saad.

Dit gaan darem al baie gesonder met my. Ek is af van 140kg na 131kg en my bloedruk is ook mooi soet – 120/70.

My teiken gewig is 100kg so daar lê vir my nog n lang paadjie voor. EK besef dat ek nie vir altyd die 3kg per week gemiddeld gaan kan handhaaf nie , maar sover werk dit darem nog.

Ek stap deesdae so 6.3 km teen n gemiddelde spoed van 5.6 km/h. En dis op veldpaadjies en oor heuwels en dale. Ek was/is nog altyd baie lief vir gewees vir Staptoere met n rugsak deur die berge en ek wil weer fiks genoeg word om dit met gemak te kan doen. Een van die dae is dit ek en Outeniqua (ek het hom in standerd 8 laas gestap).

Ek sal graag ook weer Tsitsikamma wil gaan stap en dan hopelik eendag Otter en Fanie Botha.

My rugsak is reg, my water bottels en stapstokke is reg. Dis nog net ek wat moet reg wees.

Een van die dae.

Advertisements

Om gesond te leef

Nou ja, dis dan nou week een van my selfopgelegde dieet/oefenprogram.

Ek moet sê, ek is baie trots op my self as dit kom by die etery. Sover het ek my mooi soet gedra en baie gesonder en minder ge-eet. Ek het ook begin stap .Ek het n lekker roete gekry vanaf my huis , agter om die koppie tot by ‘n dam in die omgewing en weer terug. So 5km in totaal. Die skaal wys nog nie n verandering in nie , maar ek moet sê dat ek baie beter voel. Nie so lui en ‘lethargic’ soos in die verlede nie. Ek het nie gedink dis moontlik vir n mens om soveel bok kos en voeltjie saad in n dag te eet nie, maar duidelik was ek verkeerd.

Ek het wel besef dat dit ‘n lang termyn projek is om aan te pak. En dat ek myself kan skade doen as ek nie my bloeddruk op pas nie. So , ek sal nou maar Maandag die ou pilletjies gaan haal en drink.  En as ons dan eendag op die punt kom waar ek meer gesond is , kan ek hopelik die goed weer afskaal , of dalk selfs los. Sal maar moet wag en sien.

Julle moet my maar in julle gedagtes hou dat ek kan volhou met die lewenstyl verandering.

Groetnis van huis tot huis.

O ja. Kerneels – sterkte boet. Ek hoop dit gaan sommer gou weer beter. Depressie is ‘n bliksem. Ek hoop jy kan weer binnekort die lig sien.

En Plasie – jy is nog steeds in my gedagtes. Hoop dit gaan elke dag beter.

Cheers v eers

;o)